Actualidade Diario del Camino

Juan Antonio Corbalán chega á Praza do Obradoiro na segunda edición de O Camiño remata en Obradoiro

VI Etapa (Ultima) Camino Acaba en Obradoiro II      Dani Masso Photo (20)

La llegada de los caminantes ha estado marcada por la emoción y por los fuertes chubascos

O Camiño remata en Obradoiro concluíu hoxe coa súa segunda edición, protagonizada por Juan Antonio Corbalán.A choiva quedouse co protagonismo na xornada de chegada á Praza do Obradoiro desde o Monte do Gozo, na que o ex xogador estivo acompañado pola Directora de Turismo de Galicia, Nava Castro; polo director territorial de Empresas Caixabank en Santiago, Emilio Barreiro por diversos representantes de Correos como Anxo Pérez e Charo Calvo; e polo presidente da Fundación Heracles, Pepe Casal.Tras reunirse cos afeccionados que o esperaban no punto de encontro a pesar da choiva, Corbalán estivo acompañado tamén por familiares e amigos na súa emocionante chegada á Praza do Obradoiro, onde Nava Castro le entrego un obsequio conmemorativo da súa aventura de seis días.

Tras entrar pola Porta Santa e abrazar ao Apóstolo Santiago, o protagonista atendeu aos medios no Parador Hostal dos Reis Católicos. Xa acabado, recálcase na súa idea do proxecto: “Paréceme un proxecto solidario precioso, relacionado co que é a miña vida, que é o deporte, e cunha cidade que é un pouco patrimonio do corazón de calquera”.

Chanceou sobre o recibimento climatolóxico “pero sen dúbida valeu a pena, a sensación é dun reto cumprido, de saber que as dificultades se superan se as persegues”, recalcando igualmente a dureza das dúas primeiras etapas. Tamén se confesou novo obradoirista, “xunto cunha chea de amigos e familiares, que xa lle dixemos á directiva que nos imos a abonar”.

No emocional, “foi unha sensación fantástica que che enche o corazón, e no referente a paisaxes tivemos a fortuna dun sol pleno durante catro días que nos permitiu ver monte duro e salvaxe á beira de campos cultivados e tranquilos ou da cidade, moitos contrastes”, explicaba.

Concluía cunha total declaración da súa petición ao Apóstolo: “Hai que pedir que a xente non sufra no mundo e que os que podemos solucionalo entendamos que globalizar non significa acaparar, senón dar”.

Corbalán recibirá o cheque da doazón de Obra Social A Caixa ao proxecto este domingo antes do partido contra o Valencia Basket (12:30), que presenciará rodeado coa súa familia e con amigos como Indio Díaz.